Ad yettikki umaray amatu n usqamu unnig n timmuzɣa, Mass Si El Hachemi ASSAD, ass n umhad 08 Mayu 2025 deg tullya tunṣibt n ugraw asdawan n usileɣ deg tdawsa, taẓrigt-is kuẓ, i d-tessuddes tiddukla Tazzayrit n usileɣ asdawan deg Tdawsa (AFUS, deg temdint n tizi wezzu, i ussan n 08 d 09 mayu 2025 deg uxxam n yidles Mulud At Mɛemmer n Tizi wezzu. Tikkin-a ad tili d tanaga n yibeddi n Usqamu unnig n Timmuzɣa ɣer yidis n tdukliwin iqedcen deg unnar n yidles d tussna .

Tullya n ugraw-a ad d-mmezg d usmekti n tedyanin n 08 mayu 1945, d tin ideg ara yeḥder Prufisur Lahcen Zeghidi, aselway n tesqamut n tkatut d umezruy, ɣer yidis n Mass Idir Hachi. Tiremt-a deg wahil n ugraw ad tili d tagnit i usmekti n yimeɣrasen iṛuhen d iseflan ɣef tlelli, ad ikemmel taggara n wass s yiwen wahil n ccna asinfuni.

Tiremt-a n ccna asinfuni ad tili ɣef lmenddad-is terbaɛt n usudu amnaḍan n uẓawan di Tubiret s tmezdit akked Usqamu Unnig n Timmuzɣa, ara d-yawin kra n tezlatin tiɣelnaẓriyin s tmaziɣt d teɛrabt d tezlatin tigraɣlanin nniḍen. Ahanay-a ad yili d asenɛet n tuggti tadelsant n tmurt-nneɣ.

Tikkin n Usqamu Unnig n Timmuzɣa deg uneḍruy d asekrazal I yiswan n Ugraw-a AFUS ara yesduklen gar Tussna akked tẓuri d usudder n tmektit taɣelnawt.