Anejmuε n uheggi i temlilit taɣelnawt ɣef usmal n tmaziɣt ilmend n tɣellist tamagant
Amaray amatu n Usqamu Unnig n Timmuzɣa mass Si El Hachemi ASSAD, yella-d ɣef yiwen n unejmuε ass-a 14 mayu 2025, deg Usqamu ilmend n uheggi i temlilit taɣelnawt s uzwel: " asmal n tmaziɣt ilmend n tɣellist taɣelnawt " aya yella-d s tilin n mass Farid Ben Remdane, d yiεeggalen n Usqamu akked yiεeggalen n tesmilt tussnant, s tawil google Meet.
Deg temlilit-a, yella-d usali n yixfawen i kraḍ n tnemsal, ara d-yilin deg wahil s talɣa-ya:
- Tanemselt tamezwarut: Asiǧhed n ukatar azerfan n tmaziɣt, gar urmad n yiḍrisen akked uleqqem-nsen.
-Tanemselt tis snat: Asmal n tmaziɣt d useǧhed n tɣellist taɣelnawt.
-Tanemselt tis kraḍ: Anagraw n usegmi d usileɣ yerzan tutlayt n tmaziɣt.
Seld mi slan iεeggalen i usisen n mass Farid Ben Remdane, i d-yeskanen tiktiwin tigejdanin n yal tanemselt, akked ugbur n tesmektit tamatut, ara d-yettuheggin iwakken ad telhu temlilit-a .
