ilmend n uheyyi i temlilit taɣelnawt s uzwel “ adlisfus amaziɣ.... imidi n tmagit akk d tkatut n umezruy”, ara d-yilin ilmend n wass aɣelnaw n udlis akk d temkarḍit di lwilaya n El bayed ass n 7 d 8 yunyu 2026, tella-d temlilit n uxeddim di Temkerḍit Taɣelnawt Tazzayrit gar Mass Si El Hachemi Assad Amaray Amatu n Usqamu Unnig n Timmuzɣa, akk d Mass Mounir Behadi, Anemhal Amatu n Temkerḍit Taɣelnawt Tazzayrit, s uttikki n yikataren n snat tsuddutin-a.

Deg temlilit-a msefhamen ad d-heyyin timzikent yerzan amazrar n ugmmuḍ Amaɣribi d kra n yedlisfusen yesɛan tumant Amaziɣ yettwasemmi s tutlayt n taɛrabt, d uheyyi n tnemsal yerzan asiney d waḥraz akk d usemḍen iyedlisfusen n wayen i d-ǧǧan d lwert sɣur tiwaculin n tmurt-nni.