Mgal usmendeg n lkerh : Mi yettwagzer uferdis n tmaziɣt, D tamurt akk i yettwagezren.

Deg lawan ideg i tettmagar Lezzayer icqirriwen inegliwin d yigraɣlanen ikersen, mazal kra n tamiwin tuɛzilin i yekkaten akken ad sneguglen

 tiɣerɣert n tdukli taɣelnawt s useqdec n yinaw n lkerh s urgam n yiwen uferdis agejdan n tmagit : tamaziɣt. Arramen-a, akken bɣunt uddsent neɣ ugfent, ad tebberbek d uɣalad n tidet ur nqebbel askasi : Lezzayer d awanek yedduklen, s uɣref-ines yemgaraden, yedduklen, s tmagit-ines timezdit i d-tegzem deg rray tmendawt n tmurt war tillas.
 
Tamenḍawt tazzayrit tefra-tt, deg tezwart-ines, sakkin, deg yimagraden-ines, tadukli taɣelnawt yernu yessegza-d s ufaw dakken tamaziɣt, ɣer yidis n taɛṛabt, d tutlayt taɣelnawt tunṣibt, tessenfalay-d telqey anmezruy d uɣerman i igren iẓuran deg wakal-a yettwabarken. Ad nezzul s uḍris-a aɣbalu, akken ara nefk daɣen azal i tmeẓdiyin n yiṣuḍaf ay d-yessuffeɣ uwanak i lmend n yimenɣi mgal yinaw n lkerh, ladɣa asaḍuf n uḥezzeb mgal ussemɣer d yinaw n tismin, yesɛan iswi n uḥuddu n tallunt tanagdudt d  termiṣin seg yal tiremt n ucɛal n ccwal, n beṭṭu deg tegmat n yizzayriyen, neɣ tanalit n tdukli taɣelnawt d wakal n tmurt.
 
Yewweḍ-d lawan i uskiw n yiɣbula n lfetna anda ma tella, ur d-yelli ad yili ssmaḥ i kra n win tdemmer tnefsit-is akken ad yennal s yiferdisen n tmagit taɣelnawt : lislam, taɛrabt neɣ tamaziɣt i yesgensisen s timmad-nsen tigejdit n twudemt tazzayrit tasduklant. Inaw-a n usmendeg ur d-yessenfalay ara ɣef tlelli, maca d aɣurru n umenzay n tudert timezdit d ugguz usrid i tɣellist taɣelnawt. Ilmend n way-a, yessefk, war akukru, ad ttwaḍefren s lǧehd akk iḍrisen n uṣaḍuf icudden ɣer waya.
 
Ilmend n waya, ad nsiwel i teɣdemt i usnas utrim n yisaḍufen yerzan aḥuddu ɣef uwanek, d useḥbiber ɣef yizumal-ines, d tmezgiwin-nnes, d tdukli-ines taɣelnawt. Imi taɣellist n uɣlan ur tqebbel asaruf, tamagit taɣelnawt macci d asentel n turart. Lezzayer timezdit taduklant, s umezruy-ines, s tutlayin-ines, s wazalen-ines akked tɣellist n wakal-ines, s kra n win i ṣurmen nnig waya deg tidet iṣurem ɣef wumig ur nessufuɣ.