Ddaw laɛnaya tunnigt  n Uselway n Tigduda, Mass Ɛebdelmaǧid TEBBUN, ilmend ukatar n ussisen taɣelnawt i uḥraz n tkatut tamazdayt n uɣlan. i d-yesuddes Usqamu Unnig n Timmuzɣa, d umtawa d Weɣlif n Yimǧuhad d Wat Izerfan akk D Tenmehla Tamatut n Arcif Aɣelnaw,  d Tesqamut Taɣelnawt n Ccfawat d Umezruy, d lemɛawna n ugezdu n Bgayet, timlilit tagreɣlant ddaw uzwel «  Idles n uzbu gar amezruy, takatut akked tgensas », ara d-yeḍrun ussan n 18 d 19 akked d 20 ɣuct 2026, di tzeqqa n yisaragen n ugezdu n Bgaye.t

Timlilit-ayi takadimit akk d umezruy tella-d ilmend n usmekti wis ṣa n tmerwin n ugraw n ṣṣumam (20 ɣuct 1956) D yiwen seg teɣsar tijenṭaḍin akk d tid i d-yufraren s ttfaṣil deg tegrawla-nni n teẓrigt i irebḥen imi d-yefka attekki-yines astratiji i usdukkel n tigawt tagrawliwt lebni n tsudut-ines tisertanin d tɛsekriyen d usebded n tewtilin n temsisɣelt tuddist i yessawḍen amennuɣ imselleḥ, i lebni n uwanek aɣelnaw atrar s tsuddwin-is tanayant.

Timlilit-a tɛedda akkin i usfugel d tkatut-i mucaɛen, i wakken ad yettwakemel  i umyades ussnan d yidles amatu i d-glant tsudutin n uwanek, imi yettnadi ɣef beṭṭu d  uɛiwed n tamuɣli i " yidles n uzbu " di tsektiwin-is n uzamul d tkatut-is Tallunt-a n tsuddut tejmaɛ-d imazrayen yettwafernen,  ikadimiyen d yimnadiyen  n daxel akked berra n tmurt, i wakken ad mbaddalen lewhi, wa ad d-sbedden tisektiwin n uzbu, am wakken d tigawt timserreḥt i d-yettaken afud, d tmuɣli n umdan d yidles i d-yefkan afud i tmetti tazzayrit, ttwasbedden-d wazalen n tlelli, d tnaya taɣelnawt d ugemmir alsan.

Deg usaka-a, iswi n temlilit-a d asebgen n temyigawt tagmanant gar umezruy, takatut akked tgensas, s uberreḥ s tirmit tawḥidt n lezzayer, i d-yesbanen amek tga tigawt tagrawliwt deg unnar, taɣtast tasertant tasuddut d ufares azamulan, ad d-yeldi tiwwura n umennuɣ i d-yettilin deg umaḍal d ayen ara d-yeglun s usnerni n tezrawin tussnanin.

 tadyant-agi tussnant tameqqrant, d ayen i d-yeglan s lebɣi asertan  n uwanek, ilmend n weḥraz n tkatut taɣelnawt, d uḥraz n tgemmi tamazrayt n yizamulen d wasaḍen,  i tsutwin i d-iteddun, yettunefken i yidles n tekdit i usfel n yimeɣrasen iḥeqqiyen d yimjuhad yelhan, akken ad neḍmen d akken tamagit taɣelnawt n uɣlan ad tettwaḥrez, d uzuxxu s umecwar-is n uslelli , i d-yeqqimen d aɣbalu  d tafat i tlelli deg umaḍal.