Temdel ass n amhad 24 yebrir 2025 tmesrit taɣelnawt n udlis di Tmenɣast, i d-tessuddes termist taɣelnawt (ENAG) ddaw leɛnaya n uɣlif n yidles d tẓuri, deg umraḥ n umenzu n wunbir ɣef yidis n uxxam n yidles n Tmenɣast.
Adeg n Usqamu Unnig n Timmuzɣa deg tmesrit-a d win uɣur d-rzan s waṭas imezdaɣ n Tmenɣast d yigezda i as-d-yezzin , fursen tagnit ad issinen ugar ɣef yirmad idelsanen d wussnanen n Usqamu, ladɣa ɣef tewtilin n uttikki deg warraz n uselway n tigduda n tsekla d tutlayt n tmaziɣt.